URDU DIGEST - Dec 2018

غریبوں کے لیے کچھ عرصہ پہلے تک لنڈا بازار، خریدار کی بہترین جگہ ہوا کرتی تھی اور وہ اِسے اپنے لیے لندن کا نام دیا کرتے جہاں سے اُنھیں غیر ملکی ملبوسات، سستے داموں مِل جایا کرتے، مگر اب یہ بازار بھی امیروں کی آماجگاہ بن چُکا۔ غریب اب کیا کریں گے…؟ کہاں جائیں گے۔ شمارۂ دسمبر 2018 کا یہ خصوصی سروے بہت کچھ سوچنے پر مجبور کرتا ہے۔

قارئین حیران ہوں گے کہ اس وقت سب سے زیادہ استعمال ہونے والی ایپلی کیشن لوگوں میں جھگڑے اور فساد کروانے میں پیش پیش ہے۔ یہ کیوں اور کیسے ہو رہا ہے۔ مکمل دلچسپ انکشافات سے بھرپور مضمون بھی اس شمارے یعنی دسمبر 2018 میں قارئین کے لیے پیش خدمت ہے۔

الطاف حسن قریشی ہمیشہ کی طرح انتہائی اہم اور سنگین مسئلے کی طرف نشاندھی کرواتے ہیں جس میں غریبوں اور امیروں کے درمیان بڑھتے فاصلوں پر تشویش کا برملا اظہار ہمیں بھی تفکر میں ڈالتا ہے۔ پھر ایک اور اہم مسئلہ ہے بھارت کا ایس-400 میں دلچسپی اور معاہدہ۔ کیا ان میزائلوں کے آ جانے سے بھارت پاکستان کے لیے کوئی خطرہ بن سکتا ہے؟ پاکستانی میزائلوں کی طاقت اور پاکستان کی ضرورت پر روشنی ڈالتا اہم مضمون شمارۂ دسمبر کی زینت بنایا گیا ہے۔

لیکن اس کے علاوہ طنز و مزاح، شعر و سخن کا بہترین انتخاب اور دلچسپ انعامی مقابلہ، ساتھ ساتھ اُردو ادب کے بہترین افسانے اور کہانیاں بھی قارئین کی منتظر ہیں۔

باذوق قارئین کی اوّلین ترجیں

اُردو ڈائجسٹ شمارۂ دسمبر 2018